З 1 студзеня 2025 года стварэнне новых пастановак, правядзенне гастроляў, аплата камунальных паслуг, эксплуатацыйных выдаткаў і выплата заработнай платы будуць ажыццяўляцца на парытэтнай аснове (50/50) са сродкаў бюджэту і ўласных даходаў тэатраў. Учора Аляксандр Лукашэнка падпісаў указ № 422, скіраваны на ўдасканаленне падыходаў да фінансавання дзейнасці тэатральных дзяржустаноў.
Нагадаем, што летась у працу ўступіў указ, згодна якому схема фінансавання расходаў са сродкаў бюджэту і ўласных сродкаў тэатраў дзейнічала па прынцыпе 60/40 — пры стварэнні новых пастановак і правядзенні гастроляў, а таксама аплаце камунальных паслуг і эксплуатацыйных расходаў, выплаце заработнай платы. Зараз фінансаванне выдаткаў будзе адбываецца ўжо ў прапорцыі 50/50.
Раней таксама бягучы і капітальны рамонт тэатра, набыццё абсталявання і іншых асноўных сродкаў ажыццяўлялася «ў позным аб’ёме за кошт бюджэтных сродкаў». Згодна новаму дакументу, дзяржпадтрымка на перыяд правядзення тэатрам рамонтных работ будзе здзейсняцца «шляхам прадастаўлення тэатрам у бязвыплатнае карыстанне іншых памяшканняў, якія знаходзяцца ў дзяржаўнай уласнасці, аплаты за кошт бюджэту камунальных паслуг і транспарту, які выкарыстоўваецца для ажыццяўлення асноўнай дзейнасці».
«З улікам праведзенай у 2024 годзе работы па актывізацыі дзейнасці тэатраў рэалізацыя норм Указа дасць магчымасць забяспечыць стабільнае функцыянаванне ўстаноў ва ўмовах раўнадолевага фінансавання, дабіцца больш эфектыўнага выкарыстання сродкаў бюджэту, а таксама станоўча паўплывае на ўдасканаленне рэпертуарнай палітыкі і актывізацыю творчай актыўнасці», — адзначаецца ў прэс-службе Аляксандра Лукашэнка.
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
