Ініцыятыва Fem*Bridging Cultures прэзентуе спектакль «Да дому наўпрост 10 гадзін язды».
Пастаноўка «Тэатра без назвы» (Teatr Biez Nazvy) адбылася ў супрацоўніцтве з гданьскім Шэкспіраўскім тэатрам.
Тры маладыя жанчыны з Беларусі, вымушаныя пакінуць сваю радзіму, выпадкова сустракаюцца на пляжы ў Гданьску. Іх сустрэчы ля мора становяцца рытуалам, на якім яны дзеляцца кранальнымі перажываннямі і вясёлымі гісторыямі з жыцця ў эміграцыі: пра моўныя бар’еры і падарожжы, пра спробы наладзіць новыя знаёмствы і пра тое, што сёння для іх значыць «дом».
Але цяжкі «заплечнік мінулага» застаецца з імі і заўсёды нагадвае пра сябе. «Для мяне было важна, — тлумачыць рэжысёрка Жэня Давідзенка, — таксама давесці, што людзі на фоне розных падзей павінны і стараюцца жыць свае жыцці. Хоць часамі не ведаюць, што чакае іх заўтра».
У гэтым мок’юментары-спектаклі Жэня пераплятае свой уласны досвед і гісторыі іншых людзей, якія былі вымушаны пакінуць Беларусь. Ёй хацелася перадаць веру ў людзей, у нашу супермажлівасць — узаемападтрымку і актыўнае слуханне.
Прэм’ера пастаноўкі «Да дому наўпрост 10 гадзін язды» адбылася ў мінулым годзе, і за гэты час спектакль паказалі ў Гданьску, Сопаце, Варшаве, Баўцэне.
Акторкі: Жэня Давідзенка, Ірына Купчанка, Елізавета Мілінцэвіч.
Працягласць спектакля — 60 хвілін.
Пасля пастаноўкі адбудзецца артыст-ток з удзельніцамі і стваральніцамі спектакля.
Мова: беларуская з нямецкімі субтытрамі.
Калі: 17 лістапада а 19.00
Дзе: Acker Stadt Palast, Ackerstr. 169/170 10115 Berlin
Кошт: ад 12 еўра, набыць квіткі можна па спасылцы.
Пра спектакль «Да дому наўпрост 10 гадзін язды» Жэня Давідзенка расказала нашаму выданню пасля паказу ў Варшаве.
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
