Праект Open Muzej (OM) у складзе арт-менеджарак галерэі «У нескладовае» Валянціны Кісялёвай, Ганны Чыстасердавай, мастакоў і рэдактараў Сяргея Шабохіна, Ірыны Кон, пры ўдзеле куратарак Антаніны Сцебур і Юліі Бардун паведаміў пра запуск серыі падкастаў аб сучасным беларускім мастацтве. Аўдыяпраект прыдуманы з мэтай стварэння грамадскага музея сучаснага беларускага мастацтва.
«Вядучы падкаста Багдан Хмяльніцкі разам з гасцямі абмяркуе ролю музеяў у кантэксце актуальных тэм, такіх як міграцыя і дом, супольнасць і салідарнасць, вайна і дэкаланізацыя. Ад гісторыі да сучаснасці, ад лакальнага да глабальнага — каманда праекта будзе асвятляць падзеі і тэндэнцыі, якія фарміруюць унікальны кантэкст беларускай культуры тут і цяпер», — адзначаецца ў прэс-рэлізе праекта.
Ініцыятыва «Адкрыты музей» мае на мэце стварэнне публічнага музея, арыентаванага на даследаванне, архіваванне, захаванне, падтрымку, развіццё і дэманстрацыю беларускага сучаснага мастацтва.
![Праект Open Muzej (OM) запусціў падкаст аб сучасным беларускім мастацтве](https://reformby.org/wp-content/uploads/2023/12/0-cizer.jpg)
«Успрымаючы музей як працэс і супольнасць, як сумесны вопыт практыкі публічнай гісторыі і спосабу разумення свету, а таксама паважаючы мастацтва/культуру як права кожнага чалавека, каманда бачыць і развівае Open Muzej (OM) як качавую інфраструктуру, — дадаюць эксперты. — Мы бачым гэтую структуру як гарызантальную, свабодную, экалагічную, інклюзіўную і поліфанічную арганізацыю. Асаблівая ўвага ў праекце – пабудаваць гарызантальную сеткавую структуру накшталт «міцэлію» са здольнасцю даць парасткі ў самых нечаканых месцах. Такім чынам, дэцэнтралізацыя, калектыўны інтэлект, спантаннасць, свабода і качавая інфраструктура становяцца асноўнымі паняццямі, якія канцэнтруюць значэнні ОМ».
Партнёры праекта: Ambasada Kultury, KALEKTAR, EVAa project.
Першы выпуск падкаста выходзіць 14 снежня, але цізер прыекта ўжо даступны на платформах Spotify, Yandex Music і Apple Podcasts.
Сачыць за навінамі ОМ можна ў Instagram.
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: