Сяргей Доўгушаў распачаў Калядны тур у Капенгагене — фотафакт

Культура
Фота: Tanya Kovi Villanelo.

Данія, Літва, Латвія, Эстонія, ЗША — учора выступам у Капенгагене беларускі музыка Сяргей Доўгушаў распачаў Калядны тур, у якім прапаноўвае далучыцца да традыцыі святкавання беларускіх калядаў. Зімовыя гульні, Калядны абрад з Зоркай, музычны выступ з каляднымі песнямі пад колавую ліру і беларускія дудкі — у сваім турнэ спявак, музыкант-мультыінструменталіст, этнограф запрашае адчуць зімовую святочную пару праз традыцыйныя спевы, гульні ды нават стравы нашых продкаў.

19 снежня ва Украінскім хабе ў Капенгагане Сяргей Доўгушаў даў прыгожы старт свайму турнэ. Праз тыдзень, 27 снежня, чакаецца наступны выступ у Вільне, 28-га — у Рызе, 29-га — у Таліне, а далей, пачынаючы з 4 студзеня — музыка завітае ў Амерыку, каб там праспяваць калядныя песні з дыяспарамі беларусаў ажно ў пяці гарадах — Нью-Ёрку, Ідэн-Прэры, Сіэтлы, Сан-Хосе, Шарлоце, Хьюстане, Остыне і Тампе.

Сяргей Доўгушаў распачаў Калядны тур у Капенгагене — фотафакт
Фота: Tanya Kovi Villanelo.
Сяргей Доўгушаў распачаў Калядны тур у Капенгагене — фотафакт
Фота: Tanya Kovi Villanelo.
Сяргей Доўгушаў распачаў Калядны тур у Капенгагене — фотафакт
Фота: Tanya Kovi Villanelo.

Паглядзіце, якая атмасфера панавала на імпрэзе ў Капенгагене. Адмыслова для гастрольных выступаў музыка заказаў Калядную Зорку ў падляшскіх майстроў. Драўляны каркас новага артэфакта вырабіў Сяргей Лукашук з Бельшчыны, а традыцыйнае аздабленне і выцінанкі належаць аўтарству Пятра Багацэвіча з Крывяціч. Імпрэза акрамя Каляднага абраду з Зоркай, Мядзведзем, Жоравам і Казлом  таксама мае на ўвазе стол з прысмакамі і супольнымі спевамі. Музыка і этнограф прапануе пазнаёміцца і паўдзельнічаць у разнастайных практыках святкавання Калядаў.

Сяргей Доўгушаў распачаў Калядны тур у Капенгагене — фотафакт
Фота: Tanya Kovi Villanelo.
Сяргей Доўгушаў распачаў Калядны тур у Капенгагене — фотафакт
Фота: Tanya Kovi Villanelo.

Нагадаем, Сяржук Доўгушаў – заснавальнік культурнага руху «Спеўны Сход», Установы развіцця традыцыйнай беларускай культуры «ЭтнаТрадыцыя» і арт-рэзідэнцыі «Дом творцаў», гурта мужчынскіх спеваў «Kasary». Музыка таксама ўздзельнічаў у такіх музычных праектах, як Fratrez, Vuraj, Five-storey ensamble, TryNići (Беларусь), Isna Trio (Польшча), Slavalachia (ЗША).

Дазнацца больш пра калядныя гастролі музыкі можна тут.

Падпісвайцеся на культурныя навіны Reform.news у Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

🔥 Поддержите Reform.news донатом!
REFORM.news (ранее REFORM.by)
Добавить комментарий

Внимание, премодерация. Если вы в Беларуси, не оставляйте комментарий без включенного VPN.

Последние новости




Сообщить об опечатке

Текст, который будет отправлен нашим редакторам: