20-21 верасня ў Віленскім універсітэце пройдзе канферэнцыя салідарнасці «Зняволеная рацыянальнасць і філасофія ў турме», арганізаваная Інстытутам філасофіі Віленскага ўніверсітэта і філасофскім факультэтам Варшаўскага ўніверсітэта.
Асноўныя тэмы абмеркавання на канферэнцыі:
- Гісторыя зняволенай філасофіі: параўнальны аналіз.
- Чаму палітычная ўлада баіцца філасофіі?
- Якая місія філасофіі як асаблівай практыкі свабоднай думкі?
- Практычная філасофія і сацыяльная рэвалюцыя: рацыянальнасць і бунт.
- Філосаф як палітычны зняволены: унутраныя і знешнія перспектывы.
- Як магчыма палітычная салідарнасць паміж філосафамі?
Таксама плануецца падпісанне міжнароднай петыцыі філосафаў з патрабаваннем неадкладнага вызвалення Уладзімiра Мацкевіча і дазволу яму пакінуць Беларусь.
Уладзімір Мацкевіч з’яўляецца адным з заснавальнікаў «Лятучага ўніверсітэта», арыентаванага на развіццё крытычнага мыслення і яго практычную рэалізацыю. Філосафа затрымалі ў 2021 годзе і асудзілі да 5 гадоў калоніі за «стварэнне экстрэмісцкага фармавання», «удзел у групавых дзеяннях, што груба парушаюць грамадскі парадак», а таксама абразу Лукашэнкі. Міністэрства ўнутраных справаў Беларусі ўнесла Мацкевіча ў «спіс экстрэмістаў».
Если вы нашли ошибку, пожалуйста, выделите фрагмент текста и нажмите Ctrl+Enter.