23 верасня CreateCulture Space запрашае на лекцыю «За сцяной Эдэма: мастакі і прырода» ад мастацтвазнаўцы і куратаркі, выкладчыцы гісторыі мастацтваў Соні Садоўскай.
На лекцыі раскажуць:
- Як трансфармавалася выява прыроды на працягу гісторыі еўрапейскага мастацтва і як з фону яна паступова станавілася галоўным героем.
- Як мяняліся адносіны чалавека і прыроды: прырода была аб’ектам, рэсурсам, крыніцай натхнення і, у выніку, суб’ектам, з якім можна будаваць стасункі.
- Як жанр пейзажа набыў самастойнасць, і чаму гэта адбылося менавіта ў Нідэрландах залатога веку.
- Якія адносіны будуюць з прыродай сучасныя мастакі. Як атрымалася, што прырода з аб’екта любавання стала і суаўтаркай твораў мастацтва.
Сярод мастакоў, пра якія раскажуць на лекцыі:
Гісторыя: Якаб Рэйсдал, Джозэф Тэрнер, Клод Манэ
Сучаснасць: Ёзэф Бойс, Эндзі Голдсуорсі, Алафур Эліясан і іншыя.
Беларускае мастацтва: Віктар Грамыка, Віталь Цвірка ды іншыя
Пра спікерку:
Сафія Садоўская – мастацтвазнаўца і куратарка, выкладчыца гісторыі мастацтва. Вучылася на гістарычным факультэце МДУ (аддзяленне гісторыі мастацтва (2007-2012).
Працавала ў Галерэі сучаснага мастацтва «Ў», Нацыянальным мастацкім музеі Рэспублікі Беларусь, Прыватнай школе «Стэмбрыдж», EVAa project; таксама з’яўляецца суаўтаркай трох кніг для дзяцей пра сучаснае беларускае мастацтва, была куратаркай выставы «Бязмежнікі» (працавала з архівам, мастакамі, дадатковай праграмай і каталогам).
Дата: 23 верасня а 19:00
Месца: CreateCulture Space, Karmelitų g.5
Уваход: 10 еўра, па рэгістрацыі.
Если вы нашли ошибку, пожалуйста, выделите фрагмент текста и нажмите Ctrl+Enter.