3 жніўня ў Варшаве ў Odessa Club пройдзе адборачны конкурс для маладых артыстаў на фестываль беларускай музыкі Graj. Падаць заяўку на ўдзел музыкі могуць да 31 ліпеня.
«Можа быць і акустыка, можа быць і ў электрычным варыянце, могуць быць розныя стылі, — распавяла Беларускаму «Радыё Рацыя» суарганізатарка фэсту Інэс Сянкевіч. — Ніяк не абмяжоўваем удзельнікаў. Адзінае, што будзе абмежаванне па часе, каля дзесяці хвілін.
Адбор адбудзецца 3 жніўня. У журы будуць вядомыя людзі беларускай культуры. Можна прыводзіць на фестываль усіх сваіх сяброў, сваю сям’ю. Уваход вольны, таму гэта яшчэ адна добрая нагода, каб сабрацца, патусіць і паслухаць новыя гурты».
Рэгістрацыя па спасылцы.
Трэці фестываль беларускай музыкі Graj – адбудзецца 7 верасня ў Варшаве, сярод выступоўцаў – Volski, Dzieciuki, Relikt, «Разбітае Сэрца Пацана», Nochy.
Ад 15-й гадзіны і да асноўнай музычнай праграмы будзе вольная сцэна, на якой заграюць маладыя беларускія выканаўцы. Пераможца конкурсу маладых выканаўцаў выступіць на галоўнай сцэне разам з зорнымі беларускімі музыкамі і яшчэ 6 выканаўцаў, абраных прафесійным журы, зайграюць на сцэне для маладых.
Квіткі на фэст Graj тут.
Если вы нашли ошибку, пожалуйста, выделите фрагмент текста и нажмите Ctrl+Enter.
