Ніка Сандрас у фотасесіі для Mark Formelle. У 2016 годзе выйшла калекцыя адзення з малюнкамі творцы. Фота: facebook.com/nikasandrosnew.
Беларуская мастачка і блогерка Ніка Сандрас трапіла ў шпіталь нейрахірургіі ў Гдыні пяць дзён таму з цяжкімі сімптомамі. Учора ёй паставілі дыягназ — субарахнаідальнае кровазліццё ў мозг.
На дадзены момант мастачка ў свядомасці, але «прыкавана» да ложку. У шпіталі ёй прыйдзецца правесці некалькі тыдняў.
Пакуль дактары не выявілі прычыну кровазліцця ў мозг.
У сувязі з сітуацыяй Ніка Сандрас звяртаецца па дапамогу. Яна знаходзіцца ў чужой краіне і на дадзены момант адзіная ў сям’і мела магчымасць зарабляць. Мастачка прапаноўвае набыць яе курс па маляванні, які яна робіць для ўсіх жадаючых ужо не адзін месяц.
Гэты і іншыя спосабы дапамагчы беларусцы можна знайсці тут.
Падпісвайцеся на культурныя навіны Reform.by у Telegram