Касцёл у Гервятах. Фота: t.me/spadczyna.
На касцёле ў Гервятах цагляныя фасады рамантуюць цэментам, які наносіць шкоду мураванцы на вапне, — піша тэлеграм-канал «Спадчына».
Паводле тэхналагічнага працэсу, «спачатку трэба счысціць ружовую фарбу, якой у нас чамусьці любяць наводзіць парадачак на фасадах з чырвонай цэглы, а пасля ўжо перакладаць асобныя цагліны, калі яны разбурыліся (чаго не бачна), або наноў рабіць швы. А не тупа мазаць усё разам!».
На адным з контрфорсаў бачны невялікі зандаж, які паказвае, наколькі адрозніваецца колер мура ад колеру фарбы. Відаць, аўтэнтыка не спадабавался ўласніку…
Гервяцкі касцёл, пабудаваны ў стылі неаготыкі ў 1899-1903 гадах, уключаны ў Дзяржаўны спіс гісторыка-культурных каштоўнасцей Рэспублікі Беларусь, пашкоджанні яго фасаду недапушчальныя.
«Такую дзіч робяць на ім», — эмацыйна падсумоўвае аўтар тэлеграм-канала.