Першы нефармальны з'езд (баркэмп) беларускіх фільммейкераў прайшоў летась у жніўні ў Варшаве. Фота: Reform.news
З 7 па 9 кастрычніка ў Нямеччыне адбудзецца Другі нефармальны з’езд беларускіх фільммейкераў. Мерыпрыемства ладзіцца ў фармаце баркэмпа — своеасаблівай антыканферэнцыі, якая прадугледжвае актыўны ўдзел беларускіх кінематаграфістаў з розным досведам і спецыялізацыяй. Праграму з’езда ўдзельнiкi вызначаюць самастойна: можна прапанаваць тэму для абмеркавання ў працы секцый, розныя актыўнасці.
Як падкрэсліваюць арганізатары баркэмпа — Сетка беларускіх фільммейкераў (Belarusian Filmmakers’ Network (BFN), мэта мерапрыемства — стварэнне свабоднай камунікатыўнай платформы для праблемных дыскусій, творчых кантактаў беларускіх кінематаграфістаў, пошуку еўрапейскіх партнёраў і супрадзюсараў. Удзел у з’ездзе прымуць і запрошаныя эксперты еўрапейскай кінаіндустрыі.
Тэма падзеі сёлета — «Сінергія BarCamp. Адукацыя, Інтэграцыя, Інстытуалізацыя».
Нагадаем, што ў мінулым годзе ў нефармальным з’езде беларускіх кінематаграфістаў прынялі ўдзел больш за 50 фільммейкераў.
Сёлета падзея ладзіцца як частака еўрапейскай праграмы падтрымкі маладых беларускіх кінематаграфістаў. Праект рэалізуецца ў партнёрскім супрацоўніцтве дзвюх культурных ініцыятываў— нямецкай SmartDE і літоўскай SINGO пры падтрымцы Федэральнага міністэрства замежных спраў у рамках праграмы Civil Society Cooperation.
Падаць заўку на ўдзел у мерапрыемстве можна тут.
Падпісвайцеся на культурныя навіны Reform.news у Telegram