Антон Янкоўскі. Фота: Фэйсбук.
У Гродне затрымалі індывідуальнага прадпрымальніка і папулярызатара беларускай традыцыйнай культуры Антона Янкоўскага, піша @viasna96.
На відэа сілавікоў ён кажа, што затрыманы за «распаўсюд экстрэмісцкіх матэрыялаў у сацыяльнай сетцы».
Паведамляецца, што пры даглядзе мабільнага тэлефона быў знойдзены факт «рэгістрацыі» ў «плане Перамога». Сам Янкоўскі на відэа кажа, што ніякіх дзеянняў, звязаных з ім, не здзяйсняў.
Антон Янкоўскі працуе ў студыі распрацоўкі настольных гульняў «Кубік», якая стварыла гульні «Паўстанцы», «ВКЛ» і «Мова».