Нацыянальны тэатр імя Рубена Дарыа ў Нікарагуа. Фота: planetofhotels.com.
Гендырэктар Вялікага тэатра ў Беларусі Кацярына Дулава, дырэктар Нацыянальнага тэатра імя Рубена Дарыа ў Манагуа Рамон Радрыгас і прэзідэнт фонда INCANTO Альберта Сан Хосе Маліна падпісалі мемарандум аб пачатку ўзаемавыгаднага супрацоўніцтва, інфармуе тэлеграм-канал Міністэрства культуры.
Мемарандум мае на ўвазе ўзаемнае азнаямленне з дасягненнямі нацыянальнага балетнага, опернага і сімфанічнага мастацтва Беларусі і Нікарагуа, арганізацыю гастрольнай дзейнасці калектываў, абмен салістамі, ажыццяўленне сумесных пастановак, правядзенне майстар-класаў і іншую дзейнасць.
Нагадаем, што ў ліпені Беларусь і Нікарагуа падпісалі міжурадавае пагадненне аб узаемнай адмене віз і міжурадавае пагадненне аб стварэнні сумеснай Камісіі па гандлёва-эканамічным супрацоўніцтве.