У пятніцу, 15 снежня, беларускі арт-гурт Heartbreaking Performance пакажа дзве часткі фільма «Споведзь».
«Сола-мюзікл «Споведзь» — пра пошукі ідэнтычнасці ва ўмовах спачатку ўнутранай, а пасля і фізічнай эміграцыі, пра пачуццё віны і асэнсаванне таго, як жыць далей, пра адказ на пытанне «Хто я» і надзею на тое, што атрымаецца быць цвярозымі да канца», — тлумачаць канцэпт свайго музычнага арт-хаус фільма арганізатары.
Пасля некалькіх паказаў спектакля «Споведзь» каманда арт-групы Heartbreaking Performance вырашыла зняць фільм, каб яго таксама маглі пабачыць беларусы ўнутры краіны, каб можна было паказваць яго часцей па-за яе межамі. Здымаюць яго часткамі — па адной песні, па адным музычным відэа за раз. Ужо адзнятыя некалькі кліпаў, наперадзе яшчэ шмат працы.
«Гэтая гісторыя пра беларусаў, пра людзей, пра неабходнасць дзейнічаць. Калі вам цікавая гэтая ідэя — мы запрашаем вас далучыцца да здымак!» — пішуць арганізатары.
Першыя дзве часткі фільма-мюзікла «Споведзь» будуць прэзентаваць 15 снежня ў Варшаве. Гэта кліпы «Ай мама, мама» і «Купалінка».
Пасля прэзентацыі адбудзецца абмеркаванне са стваральнікамі і ўдзельнікамі.
Уваход вольны.
Дата: 15 снежня
Час: 20.00
Месца: BAZA by Inclusive.Buzz, Marszalkowska 28/U1A, Варшава
Падпісвайцеся на культурныя навіны Reform.by у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: