Сёння 30 снежня ў 19.00 (час мясцовы) у Музеі вольнай Беларусі ў Варшаве паказваюць дакументальны фільм «Беларускі працэс».
Гэта гісторыі трох чалавек, якія сталі ахвярамі катаванняў у беларускіх турмах падчас падаўлення мірных пратэстаў у 2020-м і якія сёння імкнуцца пераадолець траўматычны досвед, а таксама дамагаюцца суда над злачынцамі.
Аўтар сцэнарыя і рэжысёр — Максім Буйніцкі. У фільме здымаліся: Вольга Паўлава, Андрэй Данілеўскі, Кацпер Сяніцкі і іншыя.
Уваход вольны, але просяць зарэгістравацца па спасылцы.