«Аперацыя «Выратуем Новы год»» у Музеі гісторыі Вялікай Айчыннай вайны. Фота: t.me/minkultrb.
У тэлеграм-канале мінкульта з’явілася фотасправаздача з першых паказаў інтэрактыўнага праекта «Аперацыя «Выратуем Новы год».
«Адважна справіўшыся з усімі заданнямі, каманда змагла знайсці Дзеда Мароза, выратаваць Снягурку з палону Бабы Ягі і адшукаць скрадзеныя падарункі! У канцы праграмы рабяты змайстравалі ўласныя ўнікальныя ёлачныя цацкі, упрыгожылі імі ялінку і змаглі завесці зламаны гадзіннік, каб пачуць бой курантаў! Усе адважныя ўдзельнікі праграмы атрымалі салодкі падарунак з рук Дзеда Мароза, Снягуркі і іншых герояў, а таксама зрабілі шмат памятных фота!» — так апісваюць навагоднюю імпрэзу.
Фотасправаздача фіксуе асаблівую эстэтыку дзіцячага свята: да звыклага навагодняга антуражу дадаліся маскіровачныя сеткі і людзі ў ваеннай форме.
Падпісвайцеся на культурныя навіны Reform.by у Telegram