Пераклад рамана Шчэпана Твардаха «Кароль» з’явіўся ў продажы

Выдавецтва «Янушкевіч» на сваёй старонцы ў Фэйсбук паведаміла пра выхад рамана знакамітага польскага пісьменніка Шчэпана Твардаха: «Кароль» Шчэпана Твардаха ўжо ў продажы! Першыя два дні цана 49,90 зл. Дастаўка ў большасць еўрапейскіх краін», — паведамляе «Янушкевіч».

Набыць кнігу можна тут.

Чытач рамана «Кароль» апынаецца ў Варшаве 1937 года. Час супрацьстаяння, калі Польшча моцна адчувае фашысцкія павевы з Германіі і камуністычныя — з Савецкага  Саюза. Горад раздзіраюць розныя палітычныя групоўкі: польскія радыкальныя нацыяналісты і сацыялісты, прадстаўленыя ў асноўным яўрэямі. Моцна адчуваецца канфлікт на нацыянальным грунце — палякі супраць яўрэяў.

На гэтым фоне разыгрываецца драма, ад якой не адарвешся да апошняй старонкі.