Навагрудскі замак і сабор у Жыровічах… Што яшчэ рэстаўруюць у Гродзенскай вобласці?

Упраўленне культуры Гродзенскага аблвыканкама адсправаздачылася карэспандэнту БелТА пра праведзеныя ў 2022 годзе работы.

На рэканструкцыю, рэстаўрацыю, кансервацыю і капрамонт аб’ектаў культуры ў Гродзенскай вобласці ў 2022 годзе было выдзелена Br36,6 млн.

Са справаздачы можна даведацца, з якімі аб’ектамі плануюць працаваць у наступным годзе.

Завершаны работы па рэстаўрацыі чатырох інтэр’ерных пакояў Старога замка ў Гродне. Працягваецца работа па рэстаўрацыі каміна Алебастравай залы. Гэтыя работы выдзелены ў пяты пускавы комплекс, іх плануецца завяршыць у 2023 годзе.

Працягваюцца работы па рэканструкцыі з рэстаўрацыяй Свята-Успенскага сабора ў Жыровічах, рэканструкцыя з кансервацыяй Навагрудскага замка.

Ідуць рэстаўрацыйныя работы паўночна-ўсходняга корпуса Гальшанскага замка, кансервацыя паўднёва-заходняй сцяны Крэўскага замка.

Завершаны работы па бягучым рамонце фасадаў і даху царквы ў в. Мураванка ў Шчучынскім раёне, вяліся работы па рэканструкцыі з рэстаўрацыяй былога будынка стайні ў сядзібе Агінскага ў Залессі Смаргонскага раёна. У планах завяршыць гэтыя работы ў першым квартале гэтага года.

Падпісвайцеся на культурныя навіны Reform.by у Telegram