Марк Шагал. «Кветкі, грушы і вінаград». Фрагмент. Фота: Sotheby’s
Праца мастака беларускага паходжання Хаіма Суціна «Сельскі пейзаж у Серэ» стаў самым дарагім лотам на аўкцыёне імпрэсіяністаў і сучаснага мастацтва Sotheby’s. Таргі пройдуць 21 кастрычніка ў асабняку Sotheby’s у Парыжы.
Алейная карціна была напісана прыкладна ў 1919-1920 гадах. Прадаецца з прыватнай амерыканскай калекцыі. Лот ацэньваецца ад 600 да 800 тысяч еўра.
Таксама на аўкцыён выстаўлены дзве работы Марка Шагала. Першая — «Кветкі, грушы і вінаград» з прыватнай еўрапейскай калекцыі. Праца выканана гуашшу на паперы і датавана 1951-1952 гадамі. Адзначаецца, што сапраўднасць гэтай працы пацверджаная Камітэтам Шагала. Лот ацэньваецца ад 220 да 350 тысяч еўра. Другая работа — «Два букеты» ацэнена ў 200-300 тысяч еўра.
Акрамя беларускіх мастакоў на аўкцыёне будуць прадавацца працы такія знакамітых аўтараў, як Анры Маціс, Амадэа Мадыльяні, П’ер Агюст Рэнуар, Гюстаў Клімт і іншых.
Работы будуць даступныя для прагляду з 14 па 19 кастрычніка ў асабняку Sotheby’s у Парыжы.
У Беларусі карціны мастакоў «Парыжскай школы» захоўваюцца ў галерэі «Арт Беларусь». Праца Хаіма Суціна «Ева» ў 2013 годзе была выкуплена Белгазпрамбанкам на аўкцыёне Sotheby’s за 1 805 000 даляраў. Гэтая карціна стала самым дарагім творам мастацтва, набытым за гады незалежнай Беларусі.