11 верасня на агульным сходзе калектыву Нацыянальнага акадэмічнага драматычнага тэатра імя Якуба Коласа дырэктар тэатра Юлія Аляксандраўна Харкевіч прадставіла новага мастацкага кіраўніка Канстанціна Ігаравіча Ганчарова. Пажадала яму поспехаў і далейшага перспектыўнага творчага развіцця на нацыянальнай сцэне аднаго са старэйшых беларускіх тэатраў, — піша тэлеграм-канал Міністэрства культуры.
Нагадаем, што папярэдняму мастацкаму кіраўніку Нацыянальнага тэатра імя Якуба Коласа ў Віцебску Міхаілу Краснабаеву не працягнулі кантракт у красавіку 2022, меркавана за выгукі «Жыве Фландрыя!» у спектаклі «Ціль».
Канстанцін Ганчароў — малады рэжысёр, які ў 2023 паставіў на вялікай сцэне тэатра імя Якуба Коласа драму «Выбар» па п’есе Аляксея Дударава, у 2024-м – ваенную драму «Сотнікаў» паводле аднайменнай аповесці Васіля Быкава.
Канстанцін Ганчароў закончыў Віцебскае дзяржаўнае вучылішча мастацтваў, у 2016 годзе – Беларускі дзяржаўны ўніверсітэт культуры і мастацтваў. Працаваў у розных установах культуры і адукацыі, прымаў актыўны ўдзел у віцебскім гарадскім конкурсе «Сцэнічныя чытанні «Школьны тэатр», арганізатарам якога з’яўляецца тэатр імя Якуба Коласа.
Падпісвайцеся на культурныя навіны Reform.by у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
