На вуліцы Інтэрнацыяльнай у Мінску працягваецца рэканструкцыя кінатэатра «Перамога». Сёння помнік архітэктуры пасляваеннага перыяду набыў дах, прасоўваюцца працы па знешнім выглядзе аб’екта.
Плануецца, што ўсе вонкавыя працы будуць завершаныя да Дня горада ў верасні. Што датычыцца ўнутранай апрацоўкі, то яшчэ ў чэрвені дырэктар КУП «Мінская спадчына» Аляксандр Кохан канстатаваў, што тут справа замарудзілася ў сувязі са зменай канцэпцыі аб’екта. Сышоў былы арандатар, сёння аператарам будынка выступае «Кінавідэапракат».
![Як зараз выглядае кінатэатр "Перамога" - фотафакт](https://reformby.org/wp-content/uploads/2023/08/peramoga-scaled.jpg)
Згодна з новай канцэпцыяй, у кінатэатры плануецца пяць залаў замест трох — будзе заўважна павялічаная колькасць пасадачных месцаў. Таксама на фасадзе «плануецца святочнае падсвятленне, якое дапаможа вылучыць будынак сярод астатніх».
Будаўнічая гатоўнасць аб’екта перавышала 50% яшчэ ў першай палове года. Па плане рэканструкцыя мусіць быць завершана да канца 2023-га.
![Як зараз выглядае кінатэатр "Перамога" - фотафакт](https://reformby.org/wp-content/uploads/2023/08/pobeda2.jpg)
Нагадаем, што падчас рэканструкцыі вядомага будынка па Інтэрнацыянальнай была выяўлена «фрэска» 1990 года з выявай вершнікаў, якую потым было вырашана дэмантаваць. Чытаць гісторыю пано можна тут.
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: