Ігар Аўдзееў на прэзентацыі мультымедыйнага праекта аб франтавых кінааператарах "Іх зброя-кінакамера", прысвечанага 95-годдзю беларускага кіно. Фота: Белта.
Паводле крыніцаў Reform.by, рашэнне аб непадаўжэнні кантракта са знаным кіназнаўцам, кіраўніком Музея гісторыі беларускага кіно (філіял Нацыянальнага гістарычнага музея) Ігарам Аўдзеевым было прынята яшчэ напрыканцы 2022 года.
За мінулы год з Нацыянальнага гістарычнага былі звольнены (не падоўжаны кантракты, сыходы па пагадненні бакоў) больш за 50 супрацоўнікаў. Літаральна напрыканцы снежня кіраўніцтва ўстановы вырашыла спыніць супрацоўніцтва і з Ігарам Аўдзеевым, які ўзначальваў Музей гісторыі беларускага кіно на працягу 20 гадоў (цяпер музей з’яўляцца філіялам Нацыянальнага гістарычнага).
Ігар Аўдзееў — слынны беларускі кіназнаўца і падзвіжнік беларускага кіно. Аўтар навуковай канцэпцыі стварэння і развіцця Музея гісторыі беларускага кіно, шматлікіх артыкулаў па гісторыі беларускага кінематографа. Суаўтар (разам з Л. М. Зайцавай) каталога-даведніка «Усе беларускія фільмы». Стваральнік унікальнай калекцыі плакатаў да беларускіх фільмаў, калекцыі беларускай анімацыі. Музей гісторыі беларускага кіно, які месціцца ў цэнтры горада па адрасе Свярдлова, 4, пад куратарствам Ігара Аўдзеева з’яўляўся пляцоўкай для прэм’ер і паказаў беларускага і сусветнага кіно, месцам сустрэч, выставачнай пляцоўкай. Неаднаразова розныя «добразычліўцы» прапаноўвалі аддаць будынак пад іншыя ініцыятывы, але дзякуючы пазіцыі кіназнаўцы дамок на Свярдлова заставаўся культурным цэнтрам — Музеем гісторыі беларускага кіно — усе гэтыя гады.
Падпісвайцеся на культурныя навіны Reform.by у Telegram