«Фабельманы», «Навальны», «Пінокіа Гільерма дэль Тора»: прэмія «Оскар» абвясціла поўны спіс намінантаў

Фота: abc.com/shows/oscars.

95-я прэмія Амерыканскай акадэміі кінематаграфічных мастацтваў і навук «Оскар» сёння аб’явіла сваіх намінантаў.

Так, у катэгорыі «Найлепшы фільм» вылучаны карціны:

«На Заходнім фронце без пераменаў»
«Аватар: Шлях вады»
«Баншы Інішэрына»
«Элвіс»
«Усе паўсюль і адразу»
«Фабельманы»
«Тар»
«Топ Ган: Мэверык»
«Трохкутнік смутку»
«Гавораць жанчыны»

Кадр з фільма «Фабельманы».

У катэгорыі «Найлепшы фільм на замежнай мове» заяўлены:

«На Заходнім фронце без пераменаў»
«Аргенціна, 1985»
«Блізка»
«Іа»
«Ціхоня»

Пяць намінантаў прэтэндуюць на перамогу ў катэгорыі «Найлепшы дакументальны фільм»:

️»Усё, што дыхае»
«Уся прыгажосць і кровапраліццё»
«Вулкан любові»
«Дом з трэсак»
«Навальны».

Кадр з фільма «Навальны».

Сярод намінантаў у катэгорыі «Найлепшы анімацыйны фільм»:

«Пінокіа Гільерма дэль Тора»
«Марсэль, ракавінка ў чаравіках»
«Кот у ботах 2: апошняе жаданне»
«Марскі монстр»
«Я чырванею»

У намінацыі «Найлепшы рэжысёр» бачым наступныя постаці:

Марцін МакДонах («Баншы Інішэрына»)
Дэн Кван, Дэніэл Шайнэрт («Усё паўсюль і адразу»)
Сцівен Спілберг («Фабельманы»)
Тод Філд («Тар»)
Рубен Эстлунд («Трохкутнік смутку»)

Кейт Бланшэт («Тар»), Ана дэ Армас («Бландзінка»), Андрэа Райзбора («Дзеля Лэслі»), Мішэль Уільямс («Фабельманы»), Мішель Ео («Усё паўсюль і адразу») — вылучаны ў намінацыі «Найлепшая актрыса».

Осцін Батлер («Элвіс»), Колін Фарэл («Баншы Інішэрына»), Брэндан Фрэйзер («Кіт»), Пол Мескал («Сонца маё»), Біл Наі («Жыць») — будуць спаборнічаць у намінацыі «Найлепшы актор».

Колін Фарэл у фільме «Баншы Інішэрына».

Намінанты ў катэгорыі «Найлепшы арыгінальны сцэнар»:

«Баншы Інішэрына»
«Усе паўсюль і адразу»
«Фабельманы»
«Трохкутнік смутку»
«Тар»

Поўны спіс катэгорый і намінантаў можна паглядзець тут.

Цырымонія 95-й прэміі «Оскар» адбудзецца 12 сакавіка ў кінатэатры Dolby ў Лос-Анджэлесе. Вядучым шоу у трэці раз стане амерыканскі комік і тэлевядучы Джымі Кімел. За трансляцыю цырымоніі будзе адказваць тэлевізійная кампанія ABC; плануецца, што ўзнагароджанне будуць глядзець больш чым у 200 краінах свету.