#ArtPowerBelarus запускае навучальную праграму для беларускіх прафесіяналаў у сферы культуры

ArtPower Belarus рэалізуе адукацыйны праект, асноўная мэта якога – паглыбіць веды беларускіх прафесіяналаў ад культуры ў кіраванні і маркетынгу творчай галіны як эканамічнай дзейнасці.

Праграма таксама пашырыць магчымасці дзеячаў культуры з гледзішча арганізацыі працэсу кіравання праектамі.

Навучальная праграма ўключае курсы:

• Уводзіны ў арт-менеджмент,
• Уводзіны ў кіраванне праектамі,
• Камунікацыі і маркетынг у сектары культуры,
• Фінансавы менеджмент. Фандрэйзінг і кіраванне рэсурсамі,
• Капіталізацыя культуры і мастацтва,
• Рэгіянальная палітыка, якая ўплывае на культурніцкі менеджмент.

Патрабаванні да кандыдатаў(-к) на ўдзел:

• зацікаўленасць у развіцці беларускай культуры,
• досвед працы ў якасці творцаў, арт-менеджараў, куратараў ды іншых спецыялістаў у галіне культуры і мастацтва,
• высокая матывацыя для прафесійнага самаўдасканальвання ў кірунку арт-менеджменту,
• гатовасць браць удзел у штотыднёвых анлайн-лекцыях і групавых занятках (1 красавіка – 14 чэрвеня), актыўна ўключыцца ў працэс навучання і выконваць заданні выкладчыкаў.

Удзельнікі(-цы), якія завершаць праграму, атрымаюць сертыфікат аб навучанні і запрашэнне ўзяць удзел у заключным модулі «Распрацоўванне праектаў і напісанне праектных заявак» у жніўні – верасні 2024 года.

Навучанне бясплатнае і будзе адбывацца ў анлайн-фармаце.

Каб падаць заяўку, неабходна запоўніць усе палі формы да 20 сакавіка 2024 года.

Колькасць месцаў абмежаваная. Паспяховыя кандыдаты будуць апавешчаныя да 26 сакавіка 2024 года.

Калі патрэбная дадатковая інфармацыя ці ў вас ёсць пытанні аб праграме, просяць звязацца па адрасе: [email protected].

Пачатак заняткаў: 1 красавіка 2024 года.

Працягласць навучання: 10 тыдняў.