8 верасня ў Мюнхене пачнецца фестываль беларускай культуры Minsk x Minga

З 8 па 10 верасня 2023 года ў сталіцы Баварыі адбудзецца фестываль незалежнай беларускай культуры Minsk x Minga.

Фестываль будзе адбывацца ў Мюнхене ў другі раз. Пра першы фэст можна прачытаць тут.

На ім выступяць вядомыя беларускія артысты, вымушаныя пакінуць сваю радзіму па палітычных прычынах.

Мэта фестывалю — паказаць разнастайнасць сучаснай беларускай культуры, засяродзіўшы ўвагу на драматычных падзеях апошніх трох гадоў. Беларускія мастакі, якія цяпер раскіданыя па ўсім свеце, прадставяць свой погляд на супраціў беларускага грамадства рэпрэсіям і палітычнаму тэрору.

Арганізатары таксама хочуць прадэманстраваць салідарнасць з Украінай у яе барацьбе з расейскім уварваннем, тым самым спрыяючы навядзенню культурных мастоў.

Праграма фестывалю

8 верасня (пятніца):

19:00: Канцэрт беларускага рок-гурта Volski
Месца: Backstage, Club, Reitknechtstraße 6, München.

21:00: Этна-рэйв: беларускі дуэт Šuma спалучае даўнія народныя беларускія традыцыі з сучаснай клубнай моладзевай культурай (deep house, slow dance, dub techno, minimal, acid)
Месца: Backstage, Club, Reitknechtstraße 6, München.

9 верасня (субота):

16:00: Літаратурная імпрэза «Ці ведаеце Вы зямлю пад белымі крыламі? Беларусь — litTERatuRA INCOGNITA».

Падчас літаратурна-музычнай імпрэзы творы паэтаў і паэтак пачатку ХХ і ХХІ стагоддзяў загучаць галасамі Аляксандра Ждановіча (Маляваныча) па-беларуску і Магдалены Мюллер — у перакладах на нямецкую мову. Прагучаць аўтарскія творы музыкі і кампазітара Аляксандра Ясінскага і імправізацыі на вядомыя мелодыі.

Мадэратарка: Яўгенія Гукава.

Месца: HP8 (Новы Гастайг), Projektor, Hans-Preißinger-Str. 8, München.

19:00: саўндрама «СармаТЫ/Я» (18+) — музычны монаспектакль, які спалучае народную музыку і хіп-хоп.

Рэжысура, музыка і выкананне: Паліна Дабравольская.

Мова: беларуская з нямецкімі субтытрамі.

Месца: HP8 (Новы Гастайг), Saal X.

10 верасня (нядзеля):

10:00: Праграма для дзяцей і дарослых, якія захавалі ў сабе дзіця — традыцыйны беларускі лялечны тэатр Батлейка (Маляваныч)
Месца: будзе абвешчана асобна.

12:00: Спеўны варкшоп — веданне/разуменне беларускай ці ўкраінскай моваў абавязкова.

Кіраўніца: Вольга Барышнікава.

Месца: будзе абвешчана асобна.

13:30: Варкшоп ігры на дудзе — традыцыйным беларускім музычным інструменце.

Кіраўнік: Яўген Барышнікаў.

Месца: будзе абвешчана асобна.

15:00: Лявоніха ў гасцях у штэрнполькі. Беларускія танцы на вольным паветры. Любыя нацыянальныя строі шчыра вітаюцца.

Месца: Англійскі парк.

Арганізатар фэсту — Беларуская супольнасьць RAZAM e.V., найбуйнейшае аб’яднанне беларускай дыяспары ў Германіі.

Квіткі тут.

Падпісвайцеся на культурныя навіны Reform.by у Telegram