У Вільні пройдзе Суседскі фэст пісанак, прысвечаны Вялікадню

31 сакавіка Грамадзянская ініцыятыва ды беларуская прастора запрашаюць на Суседскі фэст пісанак. Арганізатары прапануюць такім чынам далучыцца да святкавання вясны ды Вялікадня.

Мэта фэсту – стварыць творчае асяроддзе, дзе дарослыя ды дзеці, прадстаўнікі розных культур змогуць пазнаёміцца, падтрымаць адно аднога і проста добра правесці час.

Удзельнікаў Суседскага фэсту чакаюць літоўскія, украінскія, беларускія музыка ды спевы, танцы ды карагоды. Дзеці створаць папяровых птушанят – сімвалаў абуджэння прыроды, пашукаюць велікодныя скарбы. Для цікаўных наведнікаў будуць прапанаваны расповеды пра старажытныя і хрысціянскія абрады ды сімвалы на розных мовах. І канешне ж, наведнікі распішуць яйкі ў цудоўнай мінімалістычнай беларускай традыцыі, дададуць колераў у жыццесцвярджальнай украінскай ці створаць маргучай у таямнічай традыцыі Літвы.

Падчас мерапрыемства з дзецьмі будуць займацца т’ютары, таму бацькі змогуць заняцца абранымі справамі. Напрыклад, паслухаць лекцыі, не спяшаючыся стварыць пісанку ці наўпрост папіць гарбаты ды пачытаць кнігу з бібліятэкі музея.

Дата: 31 сакавіка

Час: пачатак а 13.00

Месца: Музей Івана Луцкевіча [Vilniaus, 20]

Рэгістрацыя на майстар-класы па спасылцы.