Фота: Цэнтр нацыянальнага супраціву
Пра разрабаванне херсонскіх музеяў паведаміў Цэнтр нацыянальнага супраціву.
«У прыватнасці, па даных нашага падполля, расіяне вывезлі маёмасць з Херсонскага мастацкага музея імя Аляксея Шаўкуненкі. Музей таксама мае філіял у Новай Кахоўцы… У пастаяннай экспазіцыі музея — іканапіс XVII – пачатку XX стагоддзя, украінскае мастацтва другой паловы XIX – пачатку XX стагоддзя. Таксама прадстаўлены работы сучасных мастакоў. Усяго з фонду музея, а таксама іншых культурных устаноў Херсоншчыны вывезена амаль 15 тысяч экспанатаў», – гаворыцца ў паведамленні.
Выкрадзеныя з Херсонскага мастацкага музея экспанаты перавезлі ў часова акупаваны Сімферопаль на фурах без нумароў. Карціны нават не пакавалі належным чынам для перавозкі. Падчас раскрадання калекцыі вакол музея стаялі блокпасты.