Мурал са Станіславам Шабунеўскім на вуліцы Кірава ў Гомеле. Фота: nashkraj.info
Гомельскі абласны суд асудзіў 31-гадовага digital-мастака Віктара Кулінку да 3 гадоў калоніі ва ўмовах узмоцненага рэжыму паводле абвінавачання ў садзейнічанні экстрэмісцкай дзейнасці. Гомельскаму мастаку інкрымінавалі перасылку фотаздымка калоны расійскай вайсковай тэхнікі ў тэлеграм-канал «Беларускі Гаюн».
Віктар Кулінка — адзін са стваральнікаў знакамітага мурала са Станіславам Шабунеўскім, выбітным гомельскім архітэктарам пачатку ХХ стагоддзя, рэпрэсаваным савецкай уладай. Віктар дапамагаў у стварэнні дэталізаваных малюнкаў і распрацоўцы кампазіцыі будучага мурала, які з’явіўся на вуліцы Кірава ў 2013 годзе – паведамляе інтэрнэт-партал «Флагшток».