Сцэна са спектакля. Фота: Dita Havránková.
Як уплывае эміграцыя на нацыянальную ідэнтычнасць? Што адбываецца з беларусамі і ўкраінцамі ў часы вайны і вялікіх узрушэнняў? Ці магчымы яшчэ дыялог паміж двума народамі? І ці могуць сем’і, унутрана раз’яднаныя ў выніку выбару розных палітычных варыянтаў, знайсці згоду? Такія пытанні падымаюцца ў дакументальным спектаклі «Прыпынак Еўропа» беларускай рэжысёркі Валянціны Мароз, створаным у супрацы чэшскіх, беларускіх і ўкраінскіх тэатральных дзеячаў. 4 і 5 верасня пастаноўка, заснаваная на асабістых гісторыях беларусаў і ўкраінцаў, будзе паказана на сцэне Інстытута Тэатральнага ў Варшаве.
Прэм’ера спектакля па тэксце Анастасіі Рэлітавай адбылася яшчэ ў 2023 годзе ў пражскім тэатры Divadlo X10. Зараз «Прыпанак Еўропа» атрымаў магчымасць быць сыграным перад познаньскай і варшаўскай публікай.
Як распавядаюць пра пастаноўку яе стваральнікі?
«Прыпынак Еўропа» на прыкладзе сітуацыі беларусаў і ўкраінцаў разглядае глыбокія змены, якія перажываюць людзі падчас вялікіх узрушэнняў. Для беларусаў пунктам пераломным сталі пратэсты супраць фальсіфікацыі выбараў у жніўні 2020 года. Грамадская апазіцыя выклікала беспрэцэдэнтную хвалю рэпрэсій, якая вымусіла сотні тысяч грамадзян пакінуць радзіму. Для ўкраінцаў пераломны момант наступіў 24 лютага 2022 года, калі мільёны людзей, у асноўным жанчын і дзяцей, былі вымушаныя пакінуць свае дамы, бо расійскія войскі пачалі няспынныя абстрэлы і бамбёжкі.
«Прыпынак Еўропа» звяртае ўвагу на ўмацаванне нацыянальнай ідэнтычнасці і прадстаўляе праблемы, якія ўзнікаюць пры адаптацыі да новых сітуацый і месцаў пражывання, — дадаюць аўтары. — Ды таксама спектакль спрабуе праліць святло на змены адносін паміж украінцамі і беларусамі. Ён пытаецца, ці ёсць шанец аднавіць дыялог», — зазначаюць яны.
У акцёрскіх ролях задзейнічаны: Эле Нова, Ганна Сабалеўская, Хрысціна Валавік, Канстанцін Жыроў.
Драматургія — Каця Чэкатоўская, Онджэй Навотны. Сцэнаграфія — Люцыя Пангракава.
Дызайн касцюмаў — Ганна Казакова і Валянціна Мароз.
Музыка — Йіндржых Чыжэк. Відэа — Юсупава.
Спектакль іграюць на беларускай, украінскай і рускай мовах з польскімі і англійскімі субтытрамі.
Важна дадаць, што «Прыпанак Еўропа» нарадзіўся ў выніку супрацоўніцтва чэшскіх інстытуцый Rekultur, Divadlo X10 і беларускай Social Theatre Lab, якая існуе з 2017 года. Нагадаем, мэтай беларускай Сацыяльнай Тэатральнай Лабараторыі, якую ўзначальвае Валянціна Мароз было і ёсць — праз тэатр звярнуць увагу людзей на сацыяльна важныя, траўміруючыя і часта недаацэненыя тэмы і праблемы беларускага грамадства.
Набыць квіткі на пастаноўку можна тут.
Падпісвайцеся на культурныя навіны Reform.news у Telegram