Музей Вольнай Беларусі запускае збор экспанатаў для выставы пра жаночую салідарнасць

Музей Вольнай Беларусі распачынае падрыхтоўку выставы «Несціхаючыя галасы», прысвечанай мужнасці, непахіснасці і самапавазе беларускіх жанчын у дэмакратычным руху Беларусі.

Экспазіцыя распавядзе пра каханне, салідарнасць і ўзаемадапамогу, якія аказаліся важнымі складнікамі ў падзеях 2020 года.

Цяпер музей актыўна збірае артэфакты, дакументы, візуальныя матэрыялы, звязаныя з удзелам жанчын у беларускім дэмакратычным руху 2020 года.

Для выставы музей шукае наступныя фотаздымкі:

1. Ланцуг салідарнасці, 18 чэрвеня 2020 года, Мінск.
2. Прэс-канферэнцыя Аб’яднанага жаночага штаба, 17 ліпеня 2020 года.
3. Перадвыбарчыя мітынгі Святланы Ціханоўскай.
4. Жаночае трыа — Ціханоўская — Цапкала — Калеснікава, ліпень-жнівень 2020 года.
5. Ланцуг салідарнасці ля Камароўкі, 12 жніўня 2020 года, Мінск.
6. Ланцугі салідарнасці ў розных гарадах і Мінску.
7. Жаночыя маршы.
8. Ніна Багінская са сцягам.
9. Марыя Калеснікава на розных мітынгах.
10. Жанчыны-валанцёры – дапамога ўкраінскім бежанцам у 2022 годзе.

Пры экспанаванні на выставе будуць пазначаныя аўтарства фота, крыніца, адкуль матэрыялы атрыманы.

Пратакол бяспекі ў адносінах да герояў здымкаў і відэа таксама будзе забяспечаны.

Матэрыялы просяць дасылаць на электронны адрас freebelarusmuseum@gmail.com.

Падпісвайцеся на культурныя навіны Reform.by у Telegram