17 снежня ў Варшаве адбудзецца экспертны форум «Моўная палітыка ў Беларусі: Праектуючы будучыню». Арганізатар мерапрыемства — Прадстаўніцтва па нацыянальным адраджэнні Аб’яднанага Пераходнага Кабінета Беларусі. Падзея будзе прысвечана абмеркаванню статусу беларускай мовы і шляхам, якія дапамогуць стварыць збалансаваную моўную палітыку ў дэмакратычнай Беларусі.
Асновай для дыскусіі стануць як нацыянальны, так і міжнародны досвед, адзначаюць арганізатары.
На форуме ў якасці ключавых прапаноўваюцца наступныя тэмы:
- Актуальны стан беларускай мовы і гістарычныя прыклады моўнага адраджэння
- Дзяржаўнае двухмоўе ці адзіная дзяржаўная мова?
- Сацыялогія стаўлення да моўнага пытання і яго ўплыў на нацыянальную ідэнтычнасць
- Рэкамендацыі экспертаў па моўнай палітыцы для Беларусі будучыні.
Да ўдзеду ў сустрэчы Прадстаўніцтва па нацыянальным адраджэнні Аб’яднанага Пераходнага Кабінета запрашае: грамадзянскіх актывістаў, прадстаўнікоў палітычных партый і арганізацый, экспертных і акадэмічных колаў, зацікаўленых у размове вакол контураў будучай моўнай палітыкі ў Беларусі.
Месца правядзенне форуму будзе пазначана пазней.
Зарэгістравацца на падзею трэба да 16 снежня, 12:00 па спасылцы.
Спіс выступоўцаў на дадзены момант удакладняецца.
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
