Беларускі нацыянальны моладзевы савет «РАДА» праводзіць анлайн-курс па працы ў камандзе

Беларускі нацыянальны моладзевы савет «РАДА» адкрыў набор на першы анлайн-курс у межах «Акадэміі Першых» пра тое, як збіраць каманды для вашых ініцыятываў і эфектыўна, клапатліва, этычна выбудоўваць сумесную працу.

Фармат курса

Вас чакае 8 грунтоўных заняткаў з экспертам. Гэта не лекцыі – падчас сустрэч вы будзеце рабіць практыкаванні, абменьвацца ідэямі і дыскутаваць. Каб курс быў сапраўды карысным, важна актыўна ўдзельнічаць і не прапускаць заняткі. Калі ласка, ацаніце свае магчымасці па часе і высілках, якія вы гатовыя ўкласці ў навучанне.

Усе заяўкі праходзяць сур’ёзную верыфікацыю, каб вы маглі разлічваць на бяспечную анлайн-прастору, дзе можна выкарыстоўваць камеры і мікрафон, знаёміцца, выказваць свае думкі.

Прыкладны расклад курса

Заняткі будуць праходзіць па панядзелках і чацвяргах у 18:30 па Менску. Прыкладны час адной сустрэчы – паўтары-дзве гадзіны.

20.03 Першы занятак

Што такое каманда і як яе збіраць. Камандныя працэсы: працоўныя і асабістыя.

Адбор, найм, пошук валанцера_к.

23.03 Другі занятак

Як планаваць, размяркоўваць і ацэньваць працу ў камандзе?

Прылады для планавання, ацэньвання, трэкінгу працы.

27.03 Трэці занятак

Прылады і спосабы сумеснай працы.

Самафасілітацыя, ацэнка і дакументаванне працоўных працэсаў.

30.03 Чацвёрты занятак

Праца з матывацыяй і прафілактыка выгарання.

Эксплуатуючыя і рэгенеруючыя практыкі сумеснай працы.

03.04 Пяты занятак

Як заўважаць і вырашаць канфлікты?

Тактыкі працы з канфліктнымі сітуацыямі.

06.04 Шосты занятак

Як будаваць эфектыўную камунікацыю ў камандзе? Як будаваць адкрыты дыялог і спраўляцца з канструктыўнай крытыкай?

10.04 Сёмы занятак

Як вызначыць лідар_ку ў камандзе? Як развіваць лідарскія якасці ў камандзе?

13.04 Восьмы занятак

Як планаваць і кантраляваць змены ў камандзе? Як падрыхтаваць каманду да зменаў?

Дэдлайн падачы заяўкі – 15 сакавіка ўключна.

Адказ пра ўдзел у курсе арганізатары_кі дашлюць да 17 сакавіка.

Рэгістрацыя

Не забудзьцеся распавесці пра курс вашым кал_яжанкам і сябр_оўкам!

Па ўсіх пытаннях смела пішыце на [email protected]