Беларуская выканаўца Palina напісала музыку для паказу ліванскага шматнацыянальнага дома моды Georges Hobeika

Новая калекцыя ліванскага шматнацыянальнага дома моды Джорджа Хабейка (Georges Hobeika) была паказана на Тыдні высокай моды ў Парыжы пад музыку беларускай спявачкі і аўтаркі Palina.

Паказ ліванскага мадэльера ад куцюр і гатовага адзення быў прысвечаны яго маці — Мары Хабейка.

«Для мяне гэта гісторыя пра душу, сувязь, любоў і смерць як цуд і падарожжа», — пракаментавала сваю працу для лейбла Palina ў Instagram.

У беларускай спявачкі і аўтаркі ўжо ёсць досвед супрацоўніцтва з прадстаўнікамі сусветнай моды — раней яна супрацоўнічала з французска-мараканскім брэндам Casablanca.

Што да дома мод Джорджа Хабейка, то ліванскі мадэльер прадстаўляе свае калекцыі ў Парыжы ўжо больш за дзесяць гадоў. Афіцыйна яго атэлье было адкрыта ў Бейруце ў 1995 годзе. Шоўрум у Парыжы пачаў працаваць у 2010-м.

«Дзякуй за давер, Джорж», — не хавала радасці ад супрацы з мастаком Паліна.

Падпісвайцеся на культурныя навіны Reform.news у Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

🔥 Поддержите Reform.news донатом!