Працы беларускіх, польскіх і ўкраінскіх аўтараў і аўтарак можна будзе сёння ўбачыць на выставе «Сoalition / Коаліція / Koalicja / Кааліцыя» ў познаньскай арт-прасторы DOMIE. Аснову экспазіцыі складаюць творы, скіраваныя супраць аўтарытарных і імперскіх рэжымаў і ваенных дзеянняў, якія адбываюцца ў свеце.
Спецыяльны госць выставы – Antiwarcoalition.art. Гэта міжнародная платформа, якая дэманструе антываенныя працы мастакоў з усяго свету. Яе арганізатар – Амбасада культуры, створаная дзеячамі мастацтва з Беларусі і Украіны, якія былі вымушаны пакінуць свае краіны.
Таксама ў выставе ўдзельнічаюць: Кацярына Лысавенка, Аляксей Лунёў, Мартына Мілер, Уль Пазняк, Улада Ралько, Сяргей Шабохін, Катажына Войтчак, Рафал Жарскі.
Гэтае мерапрыемства адкрывае двухгадовы праект DOMIE па мастацкім абмене паміж польскімі, беларускімі і ўкраінскімі творчымі коламі.
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: