Плакат, які прыдумаў для кампаніі Міхал Анемпадыстаў.
Вядомы культурніцкі медыярэсурс «Будзьма беларусамі!» даступны ў Беларусі толькі праз VPN.
«Маем тэхнічныя праблемы, спрабуем іх вырашыць», — пракаментавалі блакіроўку сайта «будзьмаўцы» ў сваіх сацсетках.
На дадзены момант ні сайт Budzma.org, ні сацсеткі грамадскай кампаніі «Будзьма беларусамі!» не ўнесены ў спіс экстрэмісцкіх рэсурсаў. «Чытаць «Будзьму!» бяспечна», — падкрэсліваюць журналісты.
“Будзьма беларусамі!” – гэта грамадская культурніцкая кампанія, якая дзейнічае з мэтай паглыблення нацыянальнай ідэнтычнасці беларусаў. Кампанія была заснавана ў 2008 годзе. Сайт Budzma.org — унікальная на сёння пляцоўка для аб’яднання беларускай грамадзянскай супольнасці; на ім друкуюцца навіны пра беларускую культуру, інтэрв’ю, гайды, гістарычныя матэрыялы, меркаванні беларускіх арт-дзеячаў і дзяячак.
Падпісвайцеся на культурныя навіны Reform.by у Telegram