Сяргей Стальмакоў на фоне мурала. Фота: mostmedia.io.
Мастак Сяргей Стальмакоў у дворыку па вуліцы Сянкевіча побач з прасторай MediaPortBelarus узнавіў мурал з «Дыджэямі перамен». Гэта копія легендарнага мінскага мурала «Плошча Перамен», што з’явіўся ў мінскім двары пасля таго, як гукарэжысёры Кірыл Галанаў і Улад Сакалоўскі напярэдадні выбараў 6 жніўня 2020 года на афіцыйным канцэрце каля кінатэатра «Кіеў» уключылі песню Віктара Цоя «Перамен».
Такім чынам, аўтар працы – мінскі дызайнер і актывіст дыяспары Сяргей Стальмакоў – стварыў у Беластоку месца для беларусаў, дзе можна згадаць тое пачуццё салідарнасці і яднання, а паралельная Беларусь за межамі краіны ўзбагацілася яшчэ на адзін аб’ект.